活在當夏

17/5/2013 Day 1

香港 > 深圳 > 深圳龍崗大鵬較場尾 > MoMo House > 鵬城飯館 > 大鵬古城

睇完我哋就返去民宿到休息下，係返去嘅途中我哋係一間舖頭到買咗D飲品，諗住自己攞返去，原來佢哋有包送個喎，又幾好喎 ! 其實民宿入面都有飲品可以買來飲，有部份飲品嘅價錢就貴少少，唔想係第二到訂可以係民宿到直接買都得架。我哋行得快嘅好快就到咗民宿，不過其中一個有腳痛嘅就行得好慢，於是乎，我就係民宿到踩架單車去載佢返民宿順便兜一兜海邊，睇下個一邊嘅民宿～～～

未夠19:00，D燒烤食品就送咗過來，咁有D魚同蔬菜係要自己洗嘅，咁大家就開始幫手整嘢準備燒烤喇。但係D飲品就重未送來，之後要打電話去吹佢先得，原來佢哋唔記得咗我哋訂咗嘢，所以係民宿到買可能會穩陣D。

今晚重有特別節目，就係食蛋糕喇~因為又其中兩個人生日，所以就順便慶祝埋，個蛋糕都係經民宿買咗個芒果蛋糕，開頭諗住可能唔係好得，但係結果又唔係喎，又幾好食喎 !!

係我哋食蛋糕個時見到有班人，原來都係香港人來個喎，重幫我哋影咗相全家福嘅相添~~

好啦，開始BBQ啦，呢間民宿就有燒烤爐提供，不過就要收費嘅，開爐費連炭大爐RMB$150，細爐RMB$100，再加炭就RMB$20一箱，係一箱，唔係一袋~~不過就唔係好大箱同香港D一袋差不多~~

呢個爐唔會有火出現，只係靠熱力將嘢食整熟，唔同我哋香港燒開嘅火燒烤~~不過後來燒燒下又發覺呢一隻燒法有幾好喎，因為D炭可以燒耐好多~~我哋燒到大概11點幾就返去休息啦，重有幾個親友們最後燒到成十二點幾先燒完～～～

聽D親友們12點幾個時，附近有人係到燒煙花，重放咗幾次咁多添呀~~不過我就唔知喇，因為我瞓著咗~~