2013 墾丁‧台南‧高雄自駕之旅 (16) 28.3.2013－活在當夏

2013 墾丁‧台南‧高雄自駕之旅

Day 6 28.3.2013 星期四

85大樓水格印象® 賽嘉航空公園 ® 義大世界 ® Lunch@義大世界 ® 燕巢新養女湖 ®燕巢新太陽谷 ® 橋頭糖廠 ® 瑞豐夜市 ® Dinner@瑞豐夜市 ® 城市光廊 ® 85大樓水格印象

行完我哋就去下一個景點，叫做燕巢新養女湖泥火山同埋呢個新太陽谷，哈哈，睇返資料，我哋去個個新嘅係會細D，原先個個養女湖同太陽谷係大好多。呢個新養女湖其實應該都係D天然氣係個地下到噴上地面，因為呢個地區嘅土壤係比較多水，所以連帶D泥都帶埋上來(呢個係我自己個人諗法)~~~而個個太陽谷，我哋就搵唔到一個啱嘅位置，影唔到相~~呢個位應該係日落或日出先會有嘢睇~~我哋去到就無咩睇~~

睇完我哋就驅車去呢個橋頭糖廠啦，我哋去到呢個糖廠都差不多1730，原來就來閂門，我哋就閂門嘅一刻入咗去個糖廠到睇咗一陣就俾個工作人員吹我哋走人~~間糖廠其實已經停咗產，家下就變咗做博物館，廠入面佢會介紹做糖嘅流程。

係泊車附近個到重有個叫信不信由你搜奇館，出面放咗D外星人嘅公仔係到，好似幾過癮咁樣，不過呢我哋睇完糖廠出返來個時佢就閂咗門啦~~~無得睇添~~

之後我哋就去咗瑞豐夜市到行下，本來就想將架車放係路邊，不過停咗係到之後呢，有個人同我哋講呢到唔泊得，話會將D車拖走添喎~~咁我哋就係附近到周圍兜下啦，最後就泊咗入去一個時租停車場(NT$50/h)。

之後就去行呢個夜市啦，開頭以為呢到會有好多嘢食添，點知食嘢嘅檔口唔係有好多個，反而有D好似大排檔嘅係埋個夜市入面，重有呢個夜市其實都有唔少乾貨嘅嘢買。我哋行咗一個圈，無咩特別嘅嘢想食，於是就求其揀一間食啦。我哋叫咗一籠湯包(即係香港嘅小籠包)同埋一個酸辣湯，個湯包同香港嘅小籠包差不多，反而個個酸辣湯個味道就好唔同啦…我哋重係附近買咗包滷水雞腳食，D雞腳好淋好入味~~順便我哋又係附近買咗一杯冬瓜茶飲~~全部嘢加埋多謝NT$140。見到差不多就快泊滿一個鐘，我就趕去攞車先，然後我哋就揸車去睇呢個城市光廊，架車我哋就咁泊咗係城市光廊對出個到，因為見到有成堆車都係咁泊係到。查實呢個好似得少少嘢睇，都無咩特別，我哋影咗幾張相就走人。睇完就返去休息，玩埋聽日就結束呢個自駕之旅啦~~~真係過得快

新養女湖