2013 墾丁‧台南‧高雄自駕之旅 (13) 27.3.2013－活在當夏

2013 墾丁‧台南‧高雄自駕之旅

Day 5 27.3.2013 星期二

85大樓水格印象® 美濃民俗村 ® 旗山糖廠 ® Lunch@美濃林家粿條 ® 台南七股鹽山 ® 台南安平周氏蝦捲 ® 西子灣日落 ® Dinner@大遠百 Food Court ® 85大樓水格印象

由於今日呢一間住宿係無提供早餐，所以今日我哋就要自己攪掂個早餐，尋晚有係幾好瞓。我哋差不多0830先出發去附近嘅7-Eleven到食個早餐，係台灣嘅7-11通常都係早餐食，我哋叫咗個麵包加飯團嘅早餐，個飯團又幾好食喎。食完我哋就返上去住宿到 Hae 一陣先，Hae到差不多成10:00先出發。今日個GPS又係Short Short哋，係市中心到係完全Locate唔到位置，我哋咪唯有一路直行囉，不過唔知關唔關今日大地震嘅關係呢 ? 今日原來係南投個邊發生咗6.1級嘅大地價，有D樓宇直情裂開咗~~都幾勁 !

講返個行程先，好在先前係網上面搵過下知道大概行去咩方向，不過其實都係亂行，好在最後都係行啱方向。我哋第一個景點就係係美濃區嘅客家民俗村叫美濃民俗村，由高雄市中心去呢個民俗村大約半個鐘車程就到，呢個景點有得免費泊車，入到去個停車場泊低就得 !

呢一個民俗村入面有好多涼果買，一入呢個民俗村就會見到有間嘢好多嘢買，入面除咗有好多涼果買之外，重有好多童年時玩過嘅嘢，真係那些年嘅感覺。係呢個民俗村入面重有間食店，但係呢，個價錢就唔係好平。入面重有間飲客家擂茶嘅食店，我哋都試咗一杯，盛惠 NT$50。味道都幾好味，其實佢有好多種味，佢哋俾咗隻綠茶味俾我哋飲，係D茶到重加咗D炒米，溝埋個味道都幾正 ! 飲完就繼續去睇嘢啦，一轉個灣有一個攤檔，個到有個亞伯，佢可以用任何嘅嘢變成樂器，非常之經。不過有D應該係佢自己本身嘅口哨聲吹出來，但係都好勁 !

之後就入去一間買D玩具嘅舖頭，入面又係有好多細個玩過嘅玩具~~睇下影下相就走人，係我哋走嘅時候，見到有幾車旅行團嘅人來咗，好在我哋睇完啫。睇完呢個，我哋就去另外一個景點就係呢個旗山糖廠啦，其實呢間糖廠無咩特別嘢睇，可能我哋唔知有咩睇呱，淨係見到有D嘢買下咁囉!!不過我哋都係呢到買咗一支梅味嘅雪條，味道都幾Okay嘅。

食完呢一支雪條，我哋就要去食Lunch。呢個美濃區最出名嘅就係粿條，咁有一間都幾出名，咁我哋就去食下啦，呢一間叫林家粿條，後尾見到好似係佢隔離個一間重多人去食咁喎~~

我哋叫咗一碗粿條在加一個蒜泥白肉，呢個粿條其實同香港嘅河粉差不多，而個蒜泥百肉反而唔同香港食到個D咁樣，唔係辣嘅，酸酸哋幾好食~~~兩個人埋單都係NT$90，真係幾抵食~~

7-11食早餐