2013 墾丁‧台南‧高雄自駕之旅
Day 3 25.3.2013 星期一
伯利恆 ® 海洋生物博物館 ® Lunch @ 台灣牛 ® 後灣 ® 萬里桐 ® 白沙海灘 ® 貓鼻頭公園 ® 出水口 ® 後璧湖海鮮市場 ® 滿州花海 ® 社頂公園 ® 伯利恆 ® 墾丁夜市 ® 伯利恆
食完嘢，我哋就繼續係海生館個邊睇下嘢啦，去下呢個後灣睇下嘢，不過就無嘢睇嘅~~然後就順路去呢個萬里桐，呢個係一個漁港，不過對我哋來講有係無嘢睇嘅…
跟住我哋就去到白沙沙灘，呢個海灘都幾靚，D沙又真係白色個喎，如果鍾意係沙灘到Hae嘅人一定好鍾意呢一個沙灘~~~
之後我哋就要去後璧湖到買D嘢，順便又經過一個叫出水口嘅地方，其實呢一個係核電廠嘅出水口，但係D水又係超清，見到有D人係到釣魚~~之後就去咗後璧湖到買嘢，後尾先記得呢到附近有一個星之沙灘，D沙好似星星咁，係沖繩就有一個沙灘就係咁~~不過我哋唔記得咗，所以無去到~~
買完嘢，見時間尚早，我哋就去返個滿州花海到睇下，因為尋日搵唔到，所以今日再搵過~~~個花海就搵到，但係就無晒花，應該係要到10月先會有花睇~~~
睇完，就去社頂公園到睇下會唔會見到梅花鹿，因為網上面話係清晨同埋黃昏最有機會見到梅花鹿嘅。上到去呢個社頂公園，嘩~~凍咗好多喎…行咗一陣，唔見有梅花鹿嘅蹤影，所以我哋就走人，係呢個社頂公園返去民宿好快架咋~~返到去民宿，我哋又 Hae 咗一陣，之後就去墾丁夜市到掃最後一次街，車都係泊係社頂公園入口個到。
今晚墾丁夜市重少人，攤檔開少咗好多~~~今次我哋又係食滷水嘢，不過今次就試呢個叫一品滷味嘅，今次我哋叫咗好多嘢食，埋單要 NT$310 ~~呢到嘅滷味又係幾好食喎，食完嘢我哋就行下呢個墾丁大街，又食咗一條台灣腸 (NT$40)，之後就返去休息啦~~聽日就要去高雄啦…
後灣...無嘢睇嘅
不過又係好大風
萬里桐..唔知睇咩
白沙灣海灘
呢個沙灘都幾靚
貓鼻頭...
又係好大風
核電廠出水口
花海...無花睇
社頂公園...無梅花鹿睇
又去墾丁大街掃街
一品滷味
全站熱搜
留言列表
