活在當夏

Day 14 Telc > Prague

Prague :

查理士大橋(Charles Bridge)、舊市政廳(Staromestske radnice)、聖尼古拉斯教堂(Kostel sv.
Mikilase)、舊城廣場 (Staromestske nam)、五百多年歷史的天文鐘(Orloj)

今日我哋又係好早就起咗身啦，食完個自製早餐之後，就係 Apartment入面Hae下先，Hae到成差不多9點鐘我哋先開始搬D行李上車先。然後就去結帳啦，亞館主應該係聽到我哋搬嘢D聲，所以行落來睇下，到我哋臨出發個時，就開始落微雨啦。整好晒所有嘢之後，就要還返張Parking Permit俾館主，因為無張Permit係唔可以泊車係出面嘅。咁我哋攞返張Permit俾館主，佢收返張Permit個時，又遞咗張紙出來，上面寫住 Goodbye、Safe Journey 同埋Thank you~~可能館主唔識英文就搵人寫定D嘢~~

我哋正式出發個時就差不多9點多D，由Telc去Pargue 需時兩個幾鐘，我哋租呢架車仔，行唔快過80km/h個時其實都幾慳油，但係一行超過80km/h，同埋轉數高個時就會用油用得好快。係呢個旅程入面，有好多路都係超過100km/h，重有去到成130km/h添，所以都用咗唔少油架。

我哋諗住去到布拉格個時臨入到酒店附近有油站就入去入滿油先，因為還車個時要滿油缸嘅，唔係就會罰錢~~但係我哋一路去都見唔到有油站，行行下重去到酒店添 !!

我哋好順利咁去到酒店，呢間酒店我哋先前一早同佢哋講咗會 Early Checkin 同埋 Late Checkout，居然係完全無問題架，不過酒店嘅車位佢哋就唔保証有得泊，因為未必有~~咁好彩，我哋去到酒店門口有一個位，正正係酒店門口，呢個位要每日EUR$9嘅(不過我哋係住嘅期間，我哋睇到好似係附近嘅位應該係免費泊嘅，不過就經常泊滿車嘅~~)