活在當夏

去完個城跡之後都差不多成4點啦，我哋都係時候去酒店都 Check in 啦，因為未必咁快可以搵到間酒店架嗎...間酒店就係個山上面，附近基本上無咩其他嘅建築物，淨係有間酒店係到。

間酒店個外表其實都幾靚仔，D車又可以任泊，入到去Check in個時個職員話第一次見到香港特區護照，不過呢間酒店有個唔好嘅地方，就係得酒店Lobby先有Wifi，房入面如果要用的話就要俾錢~~酒店真係通常咩都係要計錢...都係D平民D嘅酒店好D!!

今日我哋住個間係Junior Suite，有廚房同埋有洗衣機，嘻嘻~~今日可以洗下我哋D污濁衫褲啦，話事話呢到基本上係一間Apartment咁樣，重有間房其實都幾靚。之後我哋就睇下酒店到有無D餐廳有嘢食啦，餐廳全部都係頂樓，都有幾多間下，重要有日本餐廳添喎，唔通有日本人係到住嘅? 但係個D餐廳全部都係無Menu架，都唔知點叫個喎，咁我哋唯有出去食啦。出門嘅時候咁啱日落，我哋就停架車係路邊到，睇埋日落先去搵食啦~~

有晒路牌，容易搵到 !! 

半山區酒店 

睇落去有Ｄ似商業大廈 

見到位就可以泊 

自駕良伴 

Check in 中 

入面有D似...公屋 

超級無敵大泳池 

登登登登..呢一間就係我哋間房啦 

張梳化都幾大架 

個露台係望海架 

間房就一般啦.. 

大泳池 

有洗衣機 

可以望到個海架 

個View都幾靚架 

浴室用品