活在當夏

好啦.....今日係最後一日係澳門到玩 ! 食完個豐富嘅自助早餐之後，就上房休息下~~~~重要攞埋Ｄ紀念品，佢哋個枕頭幾好枕，諗住Check out 睇下佢哋個枕頭幾錢一個，不過最後係唔記得問架 !!

我哋第一站就係去白鴿巢公園，行過見都有個相仕咁就睇下相先。睇完之後我哋當然係要去澳門嘅地標，大三巴啦....順便就去埋呢個炮台山影下幾支炮啦，不過有部份地方就圍住咗，唔知攪咩呢 ?!!

睇完呢個我哋就去新葡京到行下，不過去過威尼斯人，就會覺得新葡京行得好唔舒服，同埋好細。呀.....重有就係佢哋個Buffet，自助山...又係好多人係到，本來我哋就係揀一係自助山，一係就索菲特，不過因為有餐飲卷，所以呢最後都無試呢一間。係自助山食雖然有好多嘢揀來食，但係呢 !! 唔可以傾得耐囉，只可以有二個鐘食架咋 !! 睇完我哋就要食Lunch，附近又無咩好食，最後就搵咗澳門茶餐廳，呢一間Ｄ嘢真係好鬼死貴，食咗幾樣嘢都要成四百幾蚊埋單~~~~

睇返個相先啦...

行上去大三巴嘅路都幾有特色

大三巴~~~有Ｄ地方正在維修緊

澳門博物館

新葡京

葡國雞飯

澳門炒米...又幾好味喎...

呢個就係兒童鴛鴦

豬扒包都幾好味

一張枱到要成二百蚊~~~