原來我用咗成差不多3個鐘先睇完 Teddy Bear Museum ，即刻就去另外一個景點啦。就係成日係Ｄ書到見到濟州有一大達油菜花田嘅濟州國際會議中心喇 ! 點知去到~~~咦~~~點解係一大達泥地來嘅 ??? 唔通又去錯地方，唯有係附近四圍兜下喇 ! 點知都係無嘅，附近就見到有幾個地盤。可能真係變咗地盤都唔定喎~~~咁我哋就去另外一個景點啦~~~係去嘅途中，見到一間幾大下嘅建築物，原來係一間叫 Museum of African Art 嘅嘢....入去睇下如果要收錢就走人~~~果然係要收入場費，要成5,000won一個人架，我哋梗係係出面影完相就算喇 ! 之後就要去城山日出峰到食海鮮鍋同埋鮑魚粥....路程都要成個鐘架~~~係去嘅時候經過中文觀光區入面其實都幾多嘢食，本來話想搵日試下，但係最後都係無試到呢......
我哋想搵嘅地方都唔知係唔係呢道，但係眼見已經係一塊泥地啦....
呢個可能係一個新景點~~~Museum of African Art，外表都幾吸引
入面其實放咗Ｄ非洲嘅藝術品....
係個Museum附近有間屋仔有隻狗仔係入面都幾可愛架 !!
城山食堂
間餐廳對住個城山日出峰
前菜當然係唔少得架啦....
呢個墨魚煎餅好好味架~~~叫個海鮮鍋就會送架喇
燈、燈、燈、燈~~~海鮮鍋出場啦.....個老板娘好好人，我哋叫3人份量，應該得3隻鮑魚同埋螺，個老板娘每樣醒多一隻俾我哋呀~~~
Ｄ鮑魚係新架...重會郁架 !!
鮑魚粥....好好味架 !!
呢隻唔知咩螺....味道一般，有團友話苦嘅
呢間就係城山食堂啦
食完之後我哋去結帳嘅時候，我哋同個亞豬媽大讚佢哋Ｄ嘢好食，個亞豬媽即刻請咗我哋飲一排好似益力多嘅嘢.....正.....
景點資料 :
| 濟州國際會議中心(資料轉自韓國觀光社) | |
| * 地址 | |
| 濟州島西歸浦市中文洞 2700 | |
| * 簡介 | |
將於2003年3月22日正式開放的濟州國際會議中心 ，位於中文觀光園地，放眼望去是一望無際的藍藍太平洋，有14個小會議室，和耽羅廳、漢拿廳、三多廳，分別可容納4300名、660名、300名，以及可容納2450人的大活動廳，最大的特點是，大活動廳和耽羅廳、漢拿廳、三多廳均可以根據情況，分成更小的會 議室。 | |
| * 當地交通訊息 | |
| 《首爾→濟州道》 1.金浦機場(地鐵5號線金浦機場站)，搭乘國內班機前往濟州國際機場。 2.仁川國際機場搭乘機場巴士，前往金浦機場 → 搭乘國內班機前往濟州國際機場。 * 機場巴士資訊：http://www.airport.or.kr / +82-1577-2600(韓英日中) 《濟州道→濟州國際會議中心》 濟州國際機場搭乘機場巴士 → 在中文觀光園地內的國際會議中心前下車即可(約需40~50分鐘)。 | |
| * 詳細資訊 | |
1.開放時間：09:00~21:00 Museum of African Arts http://www.africamuseum.or.kr/ 食點資料: 城山食堂 삼다식당 (Map) 地址: 城山日出峰停車場前 | |
留言列表
