活在當夏

2013 墾丁‧台南‧高雄自駕之旅

Day 2 24.3.2013 星期日

伯利恆 ® 龍磐草原(龍磐公園) ® 風吹沙 ® 茶山吊橋 ® 佳落水 ® 九棚 ® 港仔大沙漠 ® 牡丹大橋 ® 石門古戰場 ® 四重溪 ® 恆春古城 (東門、南門、西門、北門) ® 出火特別景觀區 ® 小杜包子 ® 關山日落 ® 出火特別景觀區 ® 墾丁夜市 ® 伯利恆

咁無嘢睇我哋就去返恆春個邊睇下個古城啦，途經一個唔知邊到嘅地方，遠遠就見到有個好大嘅銅像放咗係到，應該係關公來嘅，於是我哋就去睇下啦…呢一個關公像都幾大下，後來發覺原來台灣好鍾意將D神像放係廟頂到~~因為都見過幾個係咁~~

之後我哋就去睇呢個恆春古城嘅東、南、西、北門~~睇完見幾近呢個出火，咪就去睇睇呢個位啦~~原來日頭都幾多人去睇呢個景點，我哋尋日行呢個墾丁大街個時已經買咗一D煙花(仙女棒)準備今晚去玩嘅~~係日頭呢到重有人買火燒蛋添呀~~不過唔次咩味嘅呢 ?

睇完呢個出火，我哋就諗住去呢個關山睇日落，咁啱經過呢個小杜包子，咁我哋當然係買返幾個來食下啦~~入到去原來係要攞飛排隊等埋位叫包，我哋都等咗差不多成15分鐘先有得叫，叫咗一個起司包、紅豆包同埋一個大肉包，盛惠NT$90~~

之後就驅車去關山睇日落，來呢個關山睇日落，要泊係停車場到，要收費嘅，多謝盛惠 NT$40，但係我見到其實係可以泊係馬路邊到得，基本上係唔洗俾錢都得~~

泊好車，行去個景點到睇日落，嘩~~已經有好大班人係到，我哋就去搵個有利位置去睇日落啦~~係呢到都聽到唔少人講廣東話，應該都係香港人多啦~~

今日個天色唔係咁靚，係海邊到有一層霧，所以我哋應該睇唔到個太陽跌落個海到嘅樣~~不過呢個位好大風，係睇嘅期間，發覺原來係關山對出個到有條馬路(GPS : N21.962912,E120.714101)，應該可以揸車去海邊到睇日落嘅~~個個位睇應該都幾正架~~

好大個關公係廟頂

恆春古城

出火

小杜包子

關山日落