2013 墾丁‧台南‧高雄自駕之旅 (6) 24.3.2013－活在當夏

2013 墾丁‧台南‧高雄自駕之旅

Day 2 24.3.2013 星期日

伯利恆 ® 龍磐草原(龍磐公園) ® 風吹沙 ® 茶山吊橋 ® 佳落水 ® 九棚 ® 港仔大沙漠 ® 牡丹大橋 ® 石門古戰場 ® 四重溪 ® 恆春古城 (東門、南門、西門、北門) ® 出火特別景觀區 ® 小杜包子 ® 關山日落 ® 出火特別景觀區 ® 墾丁夜市 ® 伯利恆

食完嘢，我哋又繼續北上，本來想去睇個滿州花海，睇資料知道其實應該10月個時先會有得睇，不過係附近就去睇下有無得睇啦。入咗個位置去個 GPS 到但係搵極都搵唔到~~咁我哋就繼續沿路玩啦，去到個九棚到，呢到最出名係玩 ATV ，不過我哋無諗住玩，去到個港仔沙漠附近重有幾間專門玩呢一類 ATV 嘅公司係到，佢哋一見到我哋就係咁揮手~~哈哈~~我哋無興趣玩呢，因為玩完應該會成身都係沙~~

好~~繼續行就要向返西行去四重溪同埋牡丹水庫個邊，原先想去個南仁湖到睇下嘢，不過行行下唔知係唔係過咗，都見唔到指示話去呢個南仁湖，不過家下諗諗，入去呢個南仁湖好似係要申請先入得去，佢哋好似限制咗每日入去嘅人數~~睇返原來呢個南仁湖係上一次颱風整到呢個南仁湖關閉咗，重係到修復緊 :

“因天秤颱風影響，造成南仁山環境教育步道嚴重受損，目前正辦理修復工程中，無法對外開放，未來並將視修復狀況(預計102年5月)，再重新對外開放，造成不便之處敬請見諒。\\\\ 龍坑生態保護區，依據「墾丁國家公園龍坑生態保護區學術研究及環境教育活動實施要點」，將於本(102)年5月1日至5月31日封閉實施保育養護工作，停止受理環境教育活動。”

嘻嘻~~好在 Miss 咗，唔係去到又係摸門釘 !

我哋一路行，行行下見都有條幾特別嘅橋，叫牡丹大橋~~咁就落車影下相啦~~呢到附近有個叫牡丹水庫嘅地方，不過好似要行一段唔次幾長嘅路去，所以我哋就無去，繼續前行。

其實我哋來呢到，想睇嘅係一個叫石門古戰場嘅地方~~不過到咗嘅時間發覺又係圍咗唔俾人入去，本來呢我哋就想行入去睇下架啦，不過見個天黑晒，咁佢哋又圍住咗好似幾危險咁樣，於是乎就無上到去睇~~唔知又係唔係俾颱風破壞咗呢 ? 無得睇呢個，我哋就去睇一個叫四重溪溫泉公園，去浸下腳都好呀嗎 !! 係日本叫得溫泉公園就可以俾人浸下腳，我哋當然去睇下啦~~點知去到呢~~個公園入面咩水都無嘅 ? 都唔次點解叫做溫泉公園 ? 又運咗吉添~~~

花海搵唔到，附近見到一個油菜花田