活在當夏

終於都玩完返來喇，11日真係過得快。如果可以留耐Ｄ重可以玩多Ｄ地方添呀 ! 今次去韓國又玩揸車，不過今次要係揸左軚車，揸慣右軚車會有好有分別，真係有驚無險~~~遲Ｄ分享下，今次去睇咗好多油菜花同櫻花，好鬼死靚 ! 食嘢就真係餐餐都有泡菜，都幾辣下....食完重會火燒後欄嘅感覺添呀 !! 好....唔講咁多，去片

今日嘅行程就係行漢拏山...有旅遊書寫無行過漢拏山就等於無去過濟州....所以我哋就去行下啦....我哋係行由御木里開始，全長4.7km...需時來回4個鐘，原來都好甘，所以我哋無行晒 ! 之後就諗住去睇城邑古村，行行下見到有條路成條都係櫻花，原來係漢拏山樹木園，好鬼死靚呀......Ｄ櫻花飛落來好正呀....係去嘅途中見都係濟州政府附近有一大片油菜花田，我哋咪揸去睇下囉。附近重有好多露天攤檔，我哋影完花田重去Ｄ攤檔到食嘢添~~~之後就去咗萬丈窟...最後係LotteMart到食dinner...

嘻嘻...第二日係韓國..今日主要去咗Teddy Bear Musuem同埋城山日出峰

哈哈.....我係韓國呀.....呢到Ｄ櫻花好靚呀

都係要快Ｄ寫埋佢先，如果唔係就要成兩個星期後先寫到喇~~~因為今晚就要出發去韓國喇....呵呵呵呵~~~

睇完呢Ｄ之後，就去最後一個食晚餐前嘅景點....其實係一個公園....

好喇...食完呢個唔係幾合心水嘅午餐之後，就去第一個景點。呢個景點其實都幾近食Lunch個地方，就係崖門古炮台啦，呢個崖門古炮台好似段古仔，不過我哋無聽到導遊講嘢，淨係係到周圍行來行去，睇下Ｄ古炮，睇下Ｄ花，影下相咁喇...因為我哋都係以食為主，呢個景點就當係食炮飯行下啦。附近重可以睇到條崖門大橋，都OK架，不過梗係唔夠我哋青馬大橋咁正啦~~~~睇完呢個景點就去另外一個景點~~~嘩~~又話美食團來嘅，點解重有咁多景點去睇架 ????

好喇...講返個團先，係大約09:30到等齊晒所有人就出發喇 ! 呢個團可以係羅湖或者皇崗口岸上車，所以我哋上車嘅時候到已經座咗差不多半車人係到。出發就要座差不多成兩個鐘嘅車程，第一個景點就係去食嘢喇，去到嘅時候就差不多成1點鐘。究竟呢個美食之旅，以美食為名嘅旅行團Ｄ嘢食係咪真係咁好味呢 ? 未落車前都有Ｄ期待，因為個導遊係車上面都介紹過下呢一餐係食Ｄ咩，係食燒鵝，導遊小姐介紹有兩種燒鵝，一種係叫平湖燒鵝，另一種....oh...sorry 唔記得叫XX燒鵝。分別係平湖燒鵝係外地人食，XX燒鵝係本地人食。好啦，講下間酒樓嘅環境，都係一般內地酒家咁，無客人嘅時候係咩都唔開嘅，個地下就唔知點解會濕淋淋咁~~~入到去我哋一圍大約10個人到喇 ! 第一到餸就係燒鵝...點知得1/4隻，嘩~~~主力係推介食燒鵝居然得咁少份量，一人得一至兩件到，不過味道就一般啦，個人認為深井個Ｄ好食Ｄ ! 其他餸重有一碟雞同埋魚其他菜總數有九個餸加一個湯，白飯就任你裝 ! 第一餐就覺得麻麻哋，因為覺得係美食團的話，應該係會好好味，呢一餐可以話食得飽囉 !

講返個團嘅資料先，呢個團係由一間叫達美旅遊攪嘅，佢哋嘅團差不多全部都叫美食之旅~~~未出發前，我朋友一Ｄ資料都無俾我，我係到諗究竟係咪淨係食架咋~~但係會去邊到食呢~~~Sorry...唔知 !! 於是就上網搵下資料喇...嘩~~一搵就出現好多人投訴貨不對版，又話唔夠食之餘似類嘅嘢，間唔中見到有人留言話OK喎~~~

失驚無神又去個兩日一夜之美食之旅，呢個美食之旅，聽聞係坊間非常之出名 ! 今次係有個同事朋友扭去嘅，話好抵，幾百蚊就有嘢食，有4星酒店住，我係出發個日都未知要去邊~~~係星期五夜先知係邊到集合 ! 不過去完又發覺真係幾抵，唔怪得有Ｄ團友話參加咗呢個美食之旅幾次添呀 ! 呢個團叫純玩團，係唔會帶你去Ｄ買嘢嘅地方，純以食為主，中間會有Ｄ景點睇下嘢~~~都唔錯 !

15/2/2009

14/2/2009

呢隻我的美麗日記家陣係香港都幾多人識，點解多人識，係因為平、靚、正囉~~幾蚊就有一塊面膜用，效果重要係唔差添，所以今次去都買咗唔少 !

13/2/2009

呢一間餐廳，係個幾月之前見到佢已經裝修緊。見到佢廚窗入面放咗Ｄ用米做嘅Pizza，都幾得意喎...唔次好唔好食嘅呢....有次係 Lunch 時間想去試下點知 Lunch 時間好似無做生意咁 ! 終於係2008月12月31日晚試到.....叫咗一個米餅 Pizza 加一個意大利粉，試完之後就覺得。無咩咁特別，無傳統 Pizza 咁好食，而個意大利粉又唔係咁好味~~~~整體來講~~~試一次無下次 !!

資料篇

Day 15 – 10/11/2008

Day 14 – 9/11/2008

Day 13 – 8/11/2008